Istoria Arkivu no agradesimentu
Arkivu ida-ne’e hahú ho materiál ne’ebé rekolla husi Dra Lisa Palmer Mok (University of Melbourne) ne’ebé halo peskiza hamutuk ho lia-na'in no bee-na'in sira husi iha área Baucau to'o Luca (2010-2015) no aumenta ho materiál ne’ebé rekolla husi komunidade sira iha área Baucau (hamutuk ho Sr. Quintiliano Mok, Sr. Celastinu Freitas, Sr. Francisco Almeida, Sr. Egas da Silva and Sr. Kiku Moniz), Maubisse (ho Sr. Demetrio Amaral do Carvalho and Snr. Jorge Lopes) no Fatumean (ho Dr Balthazar Kehi). Arkivu ne’e mos inklui materiál ne’ebé rekolla husi Dr Andrew McWilliam (University of Western Sydney/Australian National University) ne’ebé halo peskiza hamutuk ho komunidade sira iha área Lautem nian, husi Dra Susanna Barnes ne’ebé halo peskiza ho komunidade sira iha Bobonaro, Ainaro no sub-distritu Uato Lari (2008-2016), no husi Sr. Jose Trindade kona-ba nia komunidade iha Uato Lari. Desde tinan 2020 Dr Kirsty Sword Gusmão mós halo kontribuisaun ba arkivu nia konteúdu no dezenvolvimentu, liuliu ho kontribuisaun materiál husi Fundasaun Alola (ho apoiu husi Sr José Sabino Ximenes).
Ekipa Arkivu rekoñese no agradese tebes envolvimentu komunidade sira iha Arkivu ida-ne’e, liuliu lian-na’in, bee-na’in, matenek-na’in no individu seluk sira ne’ebé fó sira-nia tempu no fahe matenek kona-ba aspetu kultura oin-oin.
Arkivu ida-ne’e mós hakarak rekoñese ho agradese apoiu ne’ebé hetan husi kolaboradór sira inklui Dr Seth Keen ne’ebé envolve iha fase insiál arkivu nian ho apoiu logístiku no konseptuál, Glen MacLaren no Steve Wealands husi Environmental Systems Solutions ne’ebé harii sistema informátiku arkivu nian no mós ba Dra Susanna Barnes ne’ebé ajuda dezenvolve liután kapasidade arkivu nian.
Ikus liu, ekipa Arikvu nian hakarak agradese apoiu no orsamentu ne’ebé hetan husi “The Australian Research Council” (DP1095131 & DP160104519), Firebird Foundation for Anthropological Research, Gabinete Prezidente da República de Timor-Leste, Universidade Melbourne no University of Western Sydney/Australian National University.